قبيله النعام بتحب مصر بلدنا

ازيكم عاملين ايه ياولاد القبيله العريقه يارب تكونوا بخير كلكم ..انا جيت النهاردة اكلمكم عن حاجة غالية اوى عليا وطبعا علينا كلنا لاننا عايشين فيها وبننعم بأمنها واسمها محفور فى قلبى من تلات حروف وهى


ميم : مهما بعدت عنها بشتاق وارجعلها
ص:صورتها دايما فى قلبى مهما غيرها الزمن
ر: روحى فيها وبتنفس من هوا مراسيها

مصر.......ايوة مصر ...رغم اللى بيحصل فيها واللى لسه هيحصل فيها بحبها من كل قلبى بجد...
فتعالوا نبص على مصر حبيبتى ونشيل التراب اللى عليها ...والصورة السودة اللى بقت فيها ...ونشوفها بشكل تانى وبطعم تانى .. فقالوا فى حبها

" مصر هبة النيل "" لهيرو دوت


مصر يا ام العجايب شعبك اصيل والخصم عايب"سيد د رويش
________________________________________


مصر النسيم في الليالي وبياعين الفل
ومراية بهتانة ع القهوة.. ازورها واطل
الفن القديم ظل من مطرح ما انا طليت
والقاها برواز معلق عندنا في البيت
فيه القمر مصطفي كامل حبيب الكل
المصري باشا بشواربه اللي ماعرفوا الذل
ومصر فوق في الفرانده واسمها جولييت
ولما حبيت بعد روميو بربع قرن بكيت
ومسحت دمعي في كمي ومن ساعتها وعيت
علي اسم مصر..
لصلاح جاهين
.................................................. .................
ليكى يا مصــــــــــــر
أنا على الربابة ما أملكشى غير إنى اغنى
و أقول تعيشى يا مصر ما أملكشى غير غنوة
أمل للجنود أمل النصر ليكى يا مصر حلوة
بلادى و أنا على الربابة بأبارك كل خطوة
تعدى على الطريق الصعب و أغنى غنوة
الحرية وبقول معايا للشعب تحيا مصر تحيا
مصر حلوة بلادى السمرة بلادى الصابرة
بلادى الحرة بلادى و أنا على الربابة عاشق
مغنى و إيه حأكون حنحب عشاقك يا مصر
إنتى اللى ما بتنسيش شهيد سطر بدمه على
التراب الحر فداكى يا مصر
لعبد الوهاب محمد
.................................................. ....
وغيرهم وغيرهم من اللى عشقوا تراب مصررررررر..واخيرا هقول كلمات بسيطة دخلت قلبى على طول وهى
بحبك يا بلدى
مهما يتقال
بحبك يا بلدى
و من غير سؤال
رغم فيكى ايلى فيكى
بس بردو بموت فيكى
ضواحيكى .. حواريكى
بس ليه هيخصخصوكى و يفرئوكى
بخاف عليكى يا بلدى من اى تعدى
اوعى يهزوكى او يكسروكى
بخاف يخنوكى و يبوعوكى
ماهما خلاص خصخصوكى
و شوية شوية هيرخصوكى
بس ولادك مش هيسبوكى
دا احنا ظهرك و سندك
مش احنا قولنا بنحبك
ولا نقدر فى يوم نتخلى عنك
بحبك يا بلدى مهما يتقال
بحبك يا بلدى و من غير سؤال

وفعلا زى ما بيقولوا لو بتحبوا البلد دى خلى عيونكم عليها ..ومش معنى ان الواحد بينقد اللى فيها او اللى بيسىء ليها انه مش بيحبها بالعكس هو ده الحب الحقيقى ...اسيبكم مع مصر واهل مصر الطيبين

عيش مع مصر الصبح بدرررررررررررى
مصر الطفولة والشقاوة والبراءة
مصررررررررر ولاد البلد والجدعنة والشهامة
مصر الضحكة اللى من القلب طالعة
مصر الحارة والناس الطيبة الشقيانة
لو سياحة تبقى مصرررررر
مصر الامان والعيلة والدفء والحب
مصر الفن الاصيل
مصر المساجد والكنائس
مصر النيل والصيادين اللى بيعشقوا نيلك

هنا اصحابى ..هنا احبابى..هنا حبيبى اللى دق بابى ..هنا شمسى هنا قمرى هنا نيلى وهنا هرمى ..هنا ابويا هنا امى هنا عرضى وهنا دمى هنا بلادى وهنا اجدادى وهنا هيكونوا احفادى ..هنا ماضيا ...هنا لياليا ...وهنا ذكرى كانت ليا ..واحلى سلام ليكى يا بلدى ....كل شوق واحلام ليكى بلدى ......يا بلدى يا مصرررررررررررر

تحياتى لكل اللى بيحب مصر

بسم الله الرحمن الرحيم نشكرك يااخى يابوتركى على هذا الموضوع الذى فتحته لكل عربى مصرى يعيش على ارض مصر ولله الحمد والمنه على كوننا مصريين اولاد مصريين نفتخر بها على سائر البلاد بلادنا مصر امى وام الدنيا كلها والذى كرمها ربى بذكرها فى القران بسم الله الرحمن الرحيم ادخلو مصر ان شاء الله امنين صدق الله العظيم ومن اردها بسوء هلكه الله والحمد الله الذى جعلها بلدى مصر امى نلها هو دمى